کلثوم نواز اور ان کی دوسری بیٹی اسماء نواز بھی چھپی رستم نکلیں

اسلام آباد(ویب ڈیسک) جے آئی ٹی نے نواز شریف، حسین، حسن ، مریم کے ساتھ ساتھ کلثوم اور اسماء نواز سے متعلق بھی حیران کن انکشافات کئے ہیں۔تفصیلات کے مطابق جے آئی ٹی نے اپنی رپورٹ میں اہم حقائق سے پردہ اٹھایا ہے، جے آئی ٹی کو دستیاب دستاویزات کے مطابق کلثوم نواز فیملی کاروبار کا حصہ ہیں، ان کے اثاثے صرف ایک سال میں ساڑھے سترہ گناہ بڑھ گئے۔رپورٹ کے مطابق 92- 1991 سے 93- 1992 کے دوران کلثوم نواز کے اثاثے 16 لاکھ روپے سے بڑھ کر 2 کروڑ 86 لاکھ ہوگئے۔ اس عرصے میں ان کی آمدنی صرف دو لاکھ اناسی ہزار روپے تھی۔رپورٹ میں بتایا گیا کہ 1997 میں کلثوم کےاکاوئنٹس سے پیسے نکل گئے، کہاں گئے کسی کو معلوم نہیں۔دوسری جانب وزیر اعظم کی صاحبزادی اسماء نواز کی جو وزیر خزانہ اسحاق ڈارکی بہو بھی ہیں، جے آئی ٹی رپورٹ کے مطابق اسماء نوازکے اثاثے 92- 1991 سے 93- 1992 کے دوران ساڑھے اکتیس گنا بڑھ کر تین کروڑ پندرہ لاکھ روپے ہوگئے اور وہ بھی بغیر کسی ظاہری آمدن کے۔جے آئی ٹی رپورٹ کے مطابق خسارے میں

چلنے والی چوہدری شوگر مل بھی اسماء کو منافع دیتی رہی، چوہدری شوگر مل نے گیارہ لاکھ اٹھائیس ہزار کا منافع دیا جبکہ اسماء کو والد محترم سے بھی تین کروڑ آٹھ لاکھ روپے ملے مگر ان کا زرائع کا خود نواز شریف کو معلوم نہیں۔اب دیکھنایہ ہے کہ سپریم کورٹ سپریم کورٹ صرف نواز شریف کو نااہل کرتی ہے یا یہ پوراخاندان نااہل ہوتا ہے؟